Mlinda mlango wa klabu ya chelsea aadhibiwa kwa utovu wa nidhamu

Klabu ya Chelsea imetoa tamko rasmi juu ya utovu wa nidhamu ulioonyeshwa na mlinda mlango wao namba moja Kepa Arrizabalaga katika mchezo wao wa fainali ya EFL dhidi ya Manchester City katika dimba la Wembley.

Chelsea  wameweka wazi kupitia tovuti yao kuwa Arrizabalaga atakatwa mshahara wake wa wiki na pesa hiyo itapelekwa kwenye mfuko wa klabu huku wakiongeza kuwa swala hilo limemalizika ndani ya klabu.

Adhabu hiyo imekuja baada ya nyanda huyo kugomea kufanyiwa mabadiliko katika mchezo huo jambo lililoifanya klabu ya Chelsea kuzungumziwa sana na vyombo vya habari duniani.